Stimpilgjald - hlutaskipting félags

E.g., 2020-11-29
E.g., 2020-11-29
  • A. Ný lög um frestun gjalddaga tryggingagjalds og staðgreiðslu opinberra gjalda

    Þann 13. mars sl. samþykkti Alþingi lög nr. 17/2020, um breytingu á lögum um staðgreiðslu opinberra gjalda og lögum um tryggingagjald (frestun gjalddaga). Lögum þessum er ætlað að bregðast við skyndilegum og ófyrirséðum efnahagsvanda vegna COVID-19 heimsfaraldursins. Aðgerðirnar miða að því að skapa viðspyrnu við þann efnahagsvanda sem samfélagið þarf að takast á við ásamt því að reyna að tryggja að neikvæð áhrif á atvinnulífið vari sem skemmst.

     

    Breytingar samkvæmt lögunum eru sem hér segir:

     

    • Fresta greiðslu hluta tryggingagjald. Lögaðilum skal heimilt að fresta greiðslu er nemur helmingi þess tryggingagjalds, sem að óbreyttu var á eindaga 16. mars til 15. apríl.
    • Fresta greiðslu hluta á staðgreiðslu opinberra gjalda. Lögaðilum skal heimilt að fresta greiðslu er nemur helmingi þeirrar staðgreiðslu opinberra gjalda, sem að óbreyttu var á eindaga 16. mars til 15. apríl.
    • Álagi ekki beitt vegna ofangreinds. Álagi skv. 28. gr. laga nr. 45/1987 um staðgreiðslu opinberra gjalda verður ekki beitt á þann helming greiðslu sem frestun fékkst fyrir, fyrr en 16. apríl.

     

    Meðfylgjandi tafla inniheldur yfirlit yfir hina nýju gjalddaga.

    Gjald Fyrri eindagi Nýr eindagi
    Tryggingagjald 16. mars 15. apríl
    Staðgreiðsla opinberra gjalda 16. mars 15. apríl

     

     

     

     

    B. Einstaklingar í sóttkví án einkenna þess að vera sýktir, sæti ekki launamissi

    Tímalína máls: A) Frumvarp lagt fyrir Alþingi 13. mars. B) Á dagskrá velferðarnefndar Alþingis, 17. mars.*
    *Tímalína þessi kann að taka breytingum til samræmis við framvindu málsins.

     

    Efnahagsleg áhrif COVID-19 faraldursins eru slík að tekjutap atvinnurekenda getur ollið því að erfitt getur reynst þeim að greiða laun. Þá kann einnig að vera að starfsmenn eigi ekki rétt á veikindadögum sitji þeir í sóttkví vegna fyrirmæla heilbrigðisyfirvalda en þó án þess að sýna einkenni þess að vera sýktir. Því þótti félags- og barnamálaráðherra nauðsynlegt að einstaklingar, sem sæta sóttkví samkvæmt framangreindu, hafi möguleika á því að sækja um greiðslur vegna launataps sem þeir kunna að verða fyrir.

     

    Til að bregðast við framangreindu lagði ráðherrann fyrir Alþingi frumvarp til „laga um tímabundnar greiðslur vegna launa einstaklinga sem sæta sóttkví samkvæmt fyrirmælum heilbrigðisyfirvalda án þess að sýna merki þess að vera sýktir.“  Verði frumvarpið að lögum fela verða helstu breytingar samkvæmt sem hér segir:

     

    • Launamönnum sem sæta sóttkví séu greidd laun. Í þeim tilvikum sem launamenn sem sæta sóttkví en eiga ekki veikindarétt eða önnur réttindi til launa skal ríkið standa straum að launakostnaði.
    • Markmið laganna að einstaklingur geti fylgt fyrirmælum heilbrigðisyfirvalda um sóttkví án þess að hafa áhyggjur af launatapi.
    • Frumvarpið á eingöngu við almennan vinnumarkað. Þar sem frumvarpið tekur einungis til atvinnurekenda, launþega og sjálfstætt starfandi einstaklinga á almennum vinnumarkaði er áætlað að það nái til rúmlega 140 þúsund einstaklinga, eða alls 75% allra starfandi einstaklinga á vinnumarkaði.
    • Aðstoð háð skilyrðum. Í frumvarpinu er gert ráð fyrir að tiltekin skilyrði þurfi að vera uppfyllt, t.a.m. að atvinnurekandi sæki um greiðslur vegna launamanns sem sætir sóttkví, að atvinnurekandi hafi sannanlega greitt laun hans á tímabilinu (1. febrúar 2020 – 30. apríl 2020) o.fl.
    • Fjárhæðartakmörkun. Þá er gert ráð fyrir því í frumvarpinu að greiðslur ríkisins samkvæmt frumvarpinu geti aldrei verið hærri en 633.000 kr. fyrir hvern launa mann miðað við heilan almanaksmánuð.

     

    C. Aukin réttur til greiðslu atvinnuleysisbóta vegna minnkaðs starfshlutfalls

    Tímalína máls: A) Frumvarp lagt fyrir Alþingi 13. mars. B) Á dagskrá velferðarnefndar Alþingis, 17. mars.*
    *Tímalína þessi kann að taka breytingum til samræmis við framvindu málsins.

     

    Fyrir Alþingi liggur einnig frumvarp félags- og barnamálaráðherra til laga um breytingu á lögum um atvinnuleysistryggingar og lögum Ábyrgðarsjóð launa. Markmið frumvarpsins er að aðstoða fyrirtæki við að halda ráðningarsambandi við starfsfólk sitt þar til rekstrarerfiðleikar vegna COVID-19 faraldursins eru yfirstaðnar. Þær breytingar sem til eru lagðar í frumvarpinu gilda því aðeins í afmarkaðan tíma.

     

    Fyrirtæki sem eiga í tímabundnum rekstrarörðuleikum eru hvött til þess að nýta sér þann kost að lækka starfshlutfall starfsfólks tímabundið fremur en að grípa til uppsagna. Það er verðmætt fyrir samfélagið að sem flestir haldi virku ráðningarsambandi við vinnuveitanda.

     

    Verði frumvarpið að lögum eru breytingarnar sem því fylgir eftirfarandi:

     

    • Einstaklingur sem sækir um atvinnuleysisbætur samhliða minnkuðu starfshlutfalli getur átt rétt á greiðslu atvinnuleysisbóta. Sá réttur tæki til þeirrar fjárhæðar sem næmi hlutfallslegum mismun réttar launamannsins hefði hann misst starf sitt að öllu leyti og þess starfshlutfalls sem hann gegnir áfram. Þau skilyrði sem eru fyrir hendi eru að fyrra starfshlutfallið hafi verið lækkað hlutfallslega um að minnsta kosti 20% og að launamaðurinn haldi 50% starfshlutfalli hið minnsta.

     

    Úrræðið skal vera í gildi þar til 30. júní 2020 en vegna tímabundinna þrenginga á vinnumarkaði er gert ráð fyrir því að verði frumvarpið samþykkt óbreytt, muni það hafa jákvæð áhrif á vinnumarkaðinn. Þar sem áhersla er lögð á að fleiri launamenn haldi virku ráðningarsambandi við vinnuveitanda sinn en ella er frumvarpinu ætlað að draga úr atvinnuleysi.

     

    Þá eru eftirfarandi dæmi til útskýringar:

    Starfsmaður Meðal heildarlaun sl. 3m fyrir skatt Skerðing starfshlutfalls Atvinnuleysisbætur Laun frá launagreiðanda Laun með bótum án skerðingar Skerðing v/ hámarks Laun frá ríkissjóði Heildarlaun
    Starfsmaður 1 500.000 20% 91.281 400.000 491.281 -91.281 0 kr. 400.000
    Starfsmaður 2 812.500 20% 91.281 650.000 741.281 -91.281 0 kr. 650.000
    Starfsmaður 3 500.000 50% 228.202 250.000 478.202 -78.202 150.000 kr. 400.000
     

     

    Forsendur dæma skv. frumvarpi:

    Fullar atvinnuleysisbætur, kr. 456.404
    Lágmarkslækkun starfshlutfalls 20%
    Hámarkslækkun starfshlutfalls 50%
    Hámarksgreiðsla launa eftir lækkun starfshlutfalls (% af meðal heildarlaunum sl. þriggja mánaða) 80%
    Hámarkslaun með bótum, kr. 650.000

     

    D. Frekari aðgerðir boðaðar

    Að lokum má nefna að ríkisstjórnin hefur boðað frekari aðgerðir á næstu dögum til að bregðast við þeim áskorunum sem COVID-19 faraldurinn hefur óhjákvæmilega í för með sér. Áætlun ríkisstjórnarinnar, sem samþykkt var þann 10. mars sl., er í sjö liðum og aðgengileg á hlekk meðfylgjandi frétt þessari.

     

    Fróðlegt verður að sjá framvindu mála og munu KPMG Lögmenn ehf. fylgjast náið með.

     

  • Nánar um frumvarpið:

     

    Heimild Ríkisskattstjóra til að leggja á stjórnvaldssekt vegna vanrækslu á skjölun viðskipta við tengla aðila skal bætt við 57. gr. laganna og hljóða svo:

     

    Ríkisskattstjóra er heimilt að leggja stjórnvaldssekt á hvern þann lögaðila sem vanrækir að skjala viðskipti við tengda aðila að hluta eða að öllu leyti og brýtur þar með gegn ákvæði 1. málsl. 5. mgr. og reglugerðum settum á grundvelli þessarar lagagreinar. Stjórnvaldssekt verður beitt óháð því hvort lögbrot er framið af ásetningi eða gáleysi. 

     

    Ákvörðun um stjórnvaldssekt skal tekin með úrskurði ríkisskattstjóra og er hann aðfararhæfur. Sekt rennur í ríkissjóð að frádregnum kostnaði við innheimtu. Sé stjórnvaldssekt ekki greidd innan mánaðar frá dagsetningu úrskurðar ríkisskattstjóra skal greiða dráttarvexti af fjárhæð sektarinnar frá úrskurðardegi. 

     

    Ákvörðun ríkisskattstjóra um stjórnvaldssekt má skjóta til yfirskattanefndar innan 14 daga frá dagsetningu úrskurðar. Kæra til yfirskattanefndar frestar ekki innheimtu né leysir lögaðila undan viðurlögum sem lögð eru við vangreiðslu sektarinnar. 

     

    Sekt sem lögð er á lögaðila getur numið allt að 3 millj. kr. fyrir hvert reikningsár sem skattaðili hefur látið hjá líða að uppfylla skilyrði 1. málsl. 5. mgr. að hluta eða að öllu leyti. Sekt skal nema 3 millj. kr. hafi lögaðili ekki sinnt skjölunarskyldu sinni innan 45 daga. Sekt skal nema 1,5 millj. kr. hafi lögaðili skilað inn gögnum sem teljast ófullnægjandi og lögaðili hefur ekki orðið við kröfum ríkisskattstjóra um úrbætur innan 45 daga. Getur sektarálagning af þessu tilefni tekið lengst til sex tekjuára sem næst eru á undan því ári þegar sektarákvörðun fer fram og numið hæst 6 millj. kr. 

     

    Ef lögaðili bætir úr annmarka innan 30 daga frá úrskurði ríkisskattstjóra um stjórnvaldssekt skal ríkisskattstjóri lækka sektarfjárhæð um 90%. Ef úrbætur eru gerðar innan tveggja mánaða frá úrskurði ríkisskattstjóra um stjórnvaldssekt skal lækka sektarfjárhæð um 60%. Ef úrbætur eru gerðar innan þriggja mánaða frá úrskurði ríkisskattstjóra um stjórnvaldssekt skal lækka sektarfjárhæð um 40%.

     

    Í hlekk með fréttinni er að finna frumvarpið í heild sinni.

  • Nánar um breytingarnar:

    Í stuttu máli eru helstu breytingar er frumvarpsdrögin boða eftirfarandi:

     

    1. Undanþáguheimildir vegna fasteignakaupa aðila sem búsettir eru utan Evrópska efnahagssvæðisins skýrð nánar.

     

    2. Kaupverð skal koma fram í þinglýstu afsali en nú er nóg að tilgreina kaupverð í kaupsamningi og afsal hefði að geyma tilvísun til kaupsamningsins.

     

    3. Samræmd opinber skráning á landupplýsingum skal vera í landeignaskrá á vegum Þjóðskrár Íslands.

     

    4. Markmiðsákvæði jarðalaga taki breytingum á þá leið að sjónarmiðum um náttúruvernd, byggðaþróun og sjálfbærni verði gert hærra undir höfði. Þá verði í ákveðnum tilvikum skilyrði um samþykki ráðherra fyrir aðilaskiptum að landi. Að lokum sett skýrari skilyrði fyrir afskráningu lögbýla og lausn lands úr landbúnaðarnotum.

     

    Í meðfylgjandi hlekk má finna frumvarpsdrögin.

  • Orðrétt segir um úrlausnarefnið:

    1. Forsaga máls og tilefni.

    Forsögu og tilefni málsins má rekja til frumvarps um sama efni sem lagt var fram á síðasta löggjafarþingi af hálfu þingmanna stjórnarmeirihlutans.

    2. Hvert er úrlausnarefnið?

    Með frumvarpinu verða lagðar til breytingar á lögum um erfðafjárskatt, nr. 14/2004, í tengslum við þrepaskiptingu erfðafjárskatts. Í frumvarpinu verður í fyrsta lagi lagt til að erfðafjárskatturinn verði þrepaskiptur, þ.e. annars vegar 5% af fjárhæð allt að 75.000.000 kr. og hins vegar 10% af því sem er umfram 75.000.000 kr. Í öðru lagi verður lagt til að fjárhæðarmörk skattþrepa taki árlegum breytingum miðað við þróun vísitölu neysluverðs. Þá verður jafnframt lagt til að sökum þrepaskiptingu erfðafjárskatts verði erfðafjárskattur á fyrirframgreiddum arfi sá sami og í hærra skattþrepinu, þ.e. 10%.

    3. Að hvaða marki duga gildandi lög og reglur ekki til?

    Samkvæmt 40. gr. Stjórnarskrár Íslands, nr. 33/1944, má engan skatt á leggja né breyta né af taka nema með lögum. Þá segir í 77. gr. að skattamálum skuli skipað með lögum og ekki megi fela stjórnvöldum ákvörðun um hvort leggja skuli á skatt, breyta honum eða afnema hann. Þá verði enginn skattur lagður á nema heimild hafi verið fyrir honum í lögum þegar þau atvik urðu sem ráða skattskyldu. 

     

    Skjalið sem mælir fyrir um áformin má nálgast á hlekk með fréttinni (uppi í hægra horninu)

  •  

    Helstu áherslur frumvarpsins að mati fjármála- og efnahagsráðherra

     

    Í kynningu fjármála- og efnahagsráðherra eru sex atriði nefnd sem helstu áhersluatriði. Eru þau sem hér segir:

     

    1. Lægri tekjuskattur

    Samkvæmt kynningunni skal bæta við nýju lægra þrepi tekjuskatts, breyta persónuafslætti og skattleysismörkum með það að leiðarljósi að auka ráðstöfunartekjur tekjulægsta hópsins.

     

    Tekjuskattsbreytingarnar koma til í skrefum og er gert ráð fyrir að þær verði að fullu komnar til framkvæmda árið 2021. Verði aðgerðin samþykkt verður skatthlutfall lægsta þreps 31,44%, skatthlutfall næsta þreps 37,94% og skatthlutfall þess þriðja 46,24% að lokinni innleiðingu árið 2021.

     

    2. Nýr Landspítali & fjölgun hjúkrunarrýma

    Framlög til uppbyggingar nýs Landspítala við Hringbraut og annarra hjúkrunarheimila eru aukin.

     

    3. Stuðningur við barnafjölskyldur

    Frá 1. janúar 2020 skal fæðingarorlof lengjast úr níu mánuðum í tíu sem og að framlag til barnabóta skal aukið.

     

    4. Orkuskipti

    Í samræmi við aðgerðaráætlun og stjórnarsáttmála ríkisstjórnarinnar er framlag til orkuskipta aukið í gegnum Orkusjóð.

     

    4. Rannsóknir

    Nýsköpun og tækniþróun er gert hátt undir höfði og nefnt lykilatriði til aukningar á framleiðni til framtíðar. Þessu til staðfestingar eru fjárframlög aukin til málaflokksins.

     

    6. Samgöngur

    Framlag til samgönguframkvæmda aukið.

     

    Þá skulu þær lagabreytingar er varða tekjuhlið fjárlagafrumvarpsins rakin.

     

     

    Lagabreytingar vegna tekjuhliðar fjárlagafrumvarpsins:

     

    Lög nr. 90/2003, um tekjuskatt

    Í frumvarpinu er lagt til þriggja þrepa skattkerfi einstaklinga með nýju lágtekjuþrepi. Er aðgerðinni ætlað að auka ráðstöfunartekjur tekjulægsta hóps samfélagsins um tíu þúsund krónur á mánuði.

     

    Þá er lagt til að skerðingarmörk barnabóta hækki í 325 þúsund krónur á mánuði á árinu 2020.

     

    Ákvæði um tímabundna hækkun á vaxtabótum, sem hefði að öllu óbreyttu fallið niður um næstu áramót, skal framlengt um eitt ár.

     

    Lög nr. 45/1987, um staðgreiðslu opinberra gjalda

    Vegna tillögunnar um þriggja þrepa skattkerfi einstaklinga er einnig nauðsynlegt að gera viðeigandi breytingar á lögum um staðgreiðslu opinberra gjalda.

     

    Lög nr. 87/2004, um olíugjald og kílómetragjald

    Þá er lagt til að olíugjald, kílómetragjald og sérstakt kílómetragjald verði hækkað um 2,5%.

     

    Lög nr. 29/1993, um vörugjald af ökutækjum, eldsneyti o.fl.

    Lagt er til að sérstakt vörugjald af bensíni verði hækkað um 2,5%.

     

    Lög nr. 39/1988, um bifreiðagjald

    Lagt er til að bifreiðagjald af bensíni verði hækkað um 2,5%.

     

    Lög nr. 96/1995, um gjald af áfengi og tóbaki

    Lagt er til að áfengis- og tóbaksgjald verði hækkað um 2,5%.

     

    Lög nr. 86/2011, um verslun með áfengi og tóbak

    Verðlagning áfengis og tóbaks skal hækka.

     

    Lög nr. 23/2013, um Ríkisútvarpið, fjölmiðil í almannaþágu

    Sérstakt gjald til Ríkisútvarpsins skal hækkað um  2,5%.

     

    Lög nr. 125/1999, um málefni aldraðra

    Gjald í Framkvæmdasjóð aldraðra skal hækkað um 2,5%.

     

    Lög nr. 162/2002, um úrvinnslugjald

    Breytingar vegna tillagna stjórnar Úrvinnslusjóðs um breytingar á fjárhæðum úrvinnslugjalda.

     

    Lög nr. 129/2009 um umhverfis- og auðlindaskatta

    Urðun almenns úrgangs skal skattlögð í þeim tilgangi að beina úrgangi í aðra, umhverfisvænni farvegi.

     

    Þá skulu álögur lagðar á flúoraðar lögttegundir (f-gös) í þeim tilgangi að hraða útfösun þeirra. Er þetta einn liður í að draga úr losun gróðurhúsalofttegunda.

     

    Lög nr. 70/2012 um loftslagsmál.

    Fjárhæð losunargjalds vegna gjaldskyldrar losunar skv. 4. mgr. 14. gr. laganna skal breytt til samræmis við breytingar á meðalverði losunarheimilda á Evrópska efnahagssvæðinu eins og það er á árstímabili sem lýkur 31. júlí árið áður.

     

     

    Lagabreytingar vegna gjaldahliðar fjárlagafrumvarpsins:

     

    Lög nr. 91/1987, um sóknargjöld o.fl.

    Í frumvarpinu er lagt til að fjárhæð sóknargjalda verði fest við 930 kr. á einstakling á mánuði en samkvæmt því mun ákvörðuð hækkun sóknargjaldsins nema um 0,56%.

     

    Lög nr. 125/1999, um málefni aldraðra

    Heimild Framkvæmdasjóðs aldaðra til að verja fé til að standa straum af rekstrarkostnaði hjúkrunarrýma fyrir aldraða, skal framlengd.

     

    Þá er lagt til að ákvæði til bráðabirgða um samanburð á útreikningi kostnaðarþátttöku íbúa á dvalar- og hjúkrunarheimilum verði framlengt.

     

    Lög nr. 129/1997, um skyldutryggingu lífeyrisréttinda og starfsemi lífeyrissjóða

    Í þeim tilgangi að koma í veg fyrir víxlverkanir örorkubóta almannatrygginga og örorkulífeyris lífeyrissjóða fyrir árið 2020 gerir frumvarpið ráð fyrir breytingum á ofangreindum lögum.

     

    Lög nr. 166/2011, um greiðslu kostnaðar við rekstur umboðsmanns skuldara

    Lagt er til að að hlutfall af álagningarstofni sem gjaldskyldir aðilar skulu greiða miðað við áætlaðan rekstrarkostnað stofnunarinnar fyrir árið 2020 með hliðsjón af áætlaðri stöðu í árslok 2019, skuli hækkað.

     

    Lög nr. 99/1999, um greiðslu kostnaðar við opinbert eftirlit með fjármálastarfsemi

    Í samræmi við áætlaðan rekstrarkostnað Fjármálaeftirlitsins og lögbundið hámark á eigið fé stofnunarinnar gerir frumvarpið ráð fyrir breytingu á eftirlitsgjaldi.

     

    Lög nr. 60/2012, um atvinnutengda starfsendurhæfingu og starfsemi starfsendurhæfingarsjóða

    Bráðabirgðaákvæði er kveða á um að starfsendurhæfingarsjóðir fái ekki tekjur af almennu tryggingafé og að atvinnurekendur, þeir sem stunda sjálfstæða starfsemi og lífeyrissjóðir greiði 0,10% hlutfall af stofni til iðgjalds skulu framlengd.

     

    Ný löggjöf um Stuðningssjóð íslenskra námsmanna

    Frumvarpið leggur til að komið verði á laggirnar nýju stuðningskerfi handa námsmönnum til samræmis við það sem kynnt var í fjármálaáætlun fyrir árin 2020–2024 og er því ætlað að koma í staðinn fyrir gildandi námslánakerfi. Til þessa þarf að

     

    Lög nr. 38/2011, um fjölmiðla

    Frumvarpið ráðgerir að ýmsar breytingar verði gerðar á lögum um fjölmiðla.

     

    Lög nr. 95/2000, um fæðingar- og foreldraorlof

    Samanlagður réttur foreldra til fæðingarorlofs lengist úr níu mánuðum í tíu mánuði vegna barna sem fæðast, eru ættleidd eða tekin í varanlegt fóstur 1. janúar 2020 eða síðar.

     

    Lög nr. 99/2007, um félagslega aðstoð, með síðari breytingum

    Með það að markmiði að koma í veg fyrir víxlverkanir örorkubóta almannatrygginga og örorkulífeyris lífeyrissjóða fyrir árið 2020 er lagt til að breyting verði gerð á 3. mgr. ákvæðis til bráðabirgða.

     

    Lög nr. 100/2007, um almannatryggingar, með síðari breytingum

    Með það að markmiði að koma í veg fyrir víxlverkanir örorkubóta almannatrygginga og örorkulífeyris lífeyrissjóða fyrir árið 2020 er lagt til að breyting verði gerð á 18. tölul. ákvæðis til bráðabirgða.

     

    Þá er gert ráð fyrir breytingum á því skilyrði fyrir greiðslu hálfs lífeyris frá almannatryggingum að samanlagður áunninn réttur til ellilífeyris frá lífeyrissjóðum og frá almannatryggingum verði að lágmarki jafnhár fullum ellilífeyri almannatrygginga, þ.e. að skilyrði verði sett fyrir töku hálfs lífeyris þannig að lífeyrisþegi stundi að hámarki hálft starf og að greiðslur verði tekjutengdar.

     

    Ný sérstök löggjöf um félagslegan stuðning við aldraða

    Frumvarpið gerir það að tillögu sinni að sett verði sérstök löggjöf um félagslega aðstoð ríkisins við aldraða. Lögin skulu kveða á um að það sé gert heimilt að veita öldruðum einstaklingum, sem ekki hafa búið nægjanlega lengi á Íslandi til að hafa öðlast full réttindi til ellilífeyris hér á landi, viðbótarstuðning. Stuðningur þessi greiðist eingöngu þeim sem eru búsettir og dvelja á Íslandi, hafa heildartekjur undir ákveðnu tekjuviðmiði og eiga ekki eignir í peningum eða verðbréfum yfir tilgreindri fjárhæð.

     

    Ný lög um fyrstu kaup íbúðarhúsnæðis

    Ráðgert er að lög verði sett um úrræði til að auðvelda ungu fólki og tekjulágum að festa kaup á sínu fyrsta íbúðarhúsnæði.

     

    Meðfylgjandi er hlekkur í umfjöllun á vef stjórnarráðsins um fjárlagafrumvarp fyrir árið 2020.

  • Yfirlýst markmið frumvarpsins er auka skilvirkni í fjármálakerfinu og þar með lækka kostnað neytenda. Skatturinn hafi upphaflega verið settur til þess að mæta kostnaði ríkisins af fjármálahruninu. Skatturinn var síðan hækkaður og gildissvið hans víkkað árið 2013 þannig að fjármálafyrirtæki í slitameðferð yrðu einnig skattskyld. Skatturinn var hækkaður svo enn frekar til að fjármagna leiðréttingu verðtryggðra húsnæðislána sama ár. Nú þykir tímabært að lækka aftur skattinn til að koma til móts við gagnrýni hagsmunaaðila á fjárhæð bankaskattsins í því skyni að liðka fyrir lækkun útlánavaxta og hækkun inneignarvaxta til hagsbóta fyrir almenning.

     

    Í hlekk með fréttinni, uppi í hægra horni, er að finna frumvarpið í heild sinni.

  • Í hlekk með fréttinni, uppi í hægra horni, er að finna frumvarpið í heild sinni.

  • Með breytingarlögum nr. 112/2016, á lögum um tekjuskatt nr. 90/2003, var ákvæði um svokallaðar ríki-fyrir-ríki skýrslur upphaflega innleitt í 91. gr. a. laganna. Ákvæðið á rætur að rekja til leiðbeininga OECD og samkomulags Íslands á vegum OECD um skipti á ríki-fyrir-ríki skýrslum um starfsemi fjölþjóðlegra fyrirtækjasamstæðna. Markmið slíkra skýrslna er að auðvelda skattyfirvöldum að fá yfirsýn yfir starfsemi fjölþjóðlegra fyrirtækjasamstæðna.

     

    Með frumvarpi þessu eru hins vegar lagðar til breytingar á 91. gr. a. laga um tekjuskatt, nr. 90/2003, með síðari breytingum, í tilefni af athugasemdum OECD um fyrrgreint ákvæði, þar sem talið var að skerpa þyrfti á tilteknum atriðum, s.s. um fjárhæðarviðmið vegna skila á ríki-fyrir-ríki skýrslum, sem og að ekki sé ákvæði til staðar um skilaskyldu staðgöngufélaga móðurfélaga.

     

    Í frumvarpinu eru aðallega lagðar til þríþættar efnisbreytingar á umræddu ákvæði. Í fyrsta lagi er lagt til að viðmiðunarfjárhæð vegna skilaskyldu innlendra móðurfélaga á ríki-fyrir-ríki skýrslum verði miðuð við evrur en ekki íslenskar krónur. Er slík breyting talin eðlileg í ljósi þess að venjan er sú samkvæmt upplýsingum frá ríkisskattstjóra að skilaskyld félög séu að jafnaði ekki gerð upp í íslenskum krónum.

     

    Í öðru lagi er lögð til breyting á 2. mgr. sem fjallar um það hvenær skylda til að skila ríki-fyrir-ríki skýrslu hvílir á innlendum félögum þrátt fyrir að þau teljist ekki vera fjölþjóðlegar heildarsamstæður. Í ljósi ábendinga OECD er nú tekið af skarið um það að slík skylda getur verið til staðar þegar ekki er í gildi samkomulag milli bærra stjórnvalda sem
    kveður á um sjálfvirk upplýsingaskipti á ríki-fyrir-ríki skýrslum um skattskil. Það sama getur átt við ef ríkisskattstjóri hefur tilkynnt íslenska félaginu að kerfisbrestur (e. systemic failure) sé til staðar í heimilisfestarríki móðurfélags sem leiðir til þess að íslensk skattyfirvöld fá ekki ríki-fyrir-ríki skýrslur. Með kerfisbresti er átt við það þegar ríki hefur gert samkomulag við
    annað ríki um sjálfvirk upplýsingaskipti milli bærra stjórnvalda á ríki-fyrir-ríki skýrslum um skattskil en sjálfvirk upplýsingaskipti fara ekki fram vegna ástæðna sem ekki eru í samræmi
    við samkomulagið eða til staðar er viðvarandi ástand í ríki þar sem sjálfvirk upplýsingaskipti fara ekki fram á ríki-fyrir-ríki skýrslum.

     

    Í þriðja lagi er bætt við nýrri málsgrein um svokölluð staðgöngufélög móðurfélaga (e. surrogate parent entity). Með staðgöngufélagi móðurfélags er átt við samstæðufélag innan
    fjölþjóðlegrar heildarsamstæðu sem hefur verið tilnefnt sem staðgengill móðurfélags innan heildarsamstæðu og ber ábyrgð á að skila ríki-fyrir-ríki skýrslum í heimilisfestarríki þess fyrir
    hönd heildarsamstæðunnar að nánar tilgreindum skilyrðum uppfylltum.

     

    Í hlekk með fréttinni er að finna frumvarpið í heild sinni.