Stimpilgjald - hlutaskipting félags

Tillaga til þingsályktunar - fjármálaætlun ríkisstjórnarinnar 2019-2023

Um endurskoðun skattstofns fjármagnstekjuskatts segir m.a. í fjármálaáætluninni að:

 

"Fjármagnstekjur báru 10% skatt um árabil eftir að þær voru fyrst aðskildar frá launatekjum árið 1997. Að einhverju leyti var 10% skatthlutfallið haft svo lágt til mótvægis við að skattstofninn innihélt verðbólguþátt, en einnig vegna þess að um brúttóskattlagningu er að ræða. Skatthlutfallið var hækkað í skrefum upp í 20% á árunum 2009–2011 en á mótihefur verið tekið upp frítekjumark vaxtatekna og helmings skattfrelsi leigutekna. Þegar skatthlutfallið var hækkað í 22% um sl. áramót var um leið tilkynnt að farið yrði í endurskoðun á skattstofninum í því augnamiði að skattstofninn verði nær raunávöxtun en nú er í samræmi við áform í stjórnarsáttmálanum. Þessari endurskoðun verður hrundið af stað í vor en ekki er gert ráð fyrir tekjulækkun af mögulegum breytingum fyrr en á síðari hluta kjörtímabilsins."

 

Þá er jafnframt kveðið á um aðrar áformaðar skattkerfisbreytingar sem eru eftirfarandi:

 

  • Heildarendurskoðun tekjuskatts einstaklinga samhliða endurskoðun bótakerfis sem samsvarar einu prósentustigi til lækkunar á neðra þrepi.
  • Lækkun tryggingagjalds um 0,25 prósentustig og áform um frekari lækkun sem ræðst af framgangi kjaraviðræðna ásamt afkomusvigrúmi ríkissjóðs.
  • Afnám þaks á endurgreiðslum vegna rannsókna- og þróunarkostnaðar fyrirtækja.
  • Afnám virðisaukaskatts á bækur ásamt endurskoðun skattlagningar fjölmiðla og tónlistar og fyrirkomulags höfundarréttargreiðslna.
  • Hækkun kolefnisgjalds um 20% í tveimur skrefum.
  • Breytingar á skattlagningu ökutækja og eldsneytis í samræmi við tillögur starfshóps.
  • Lækkun bankaskatts í fjórum skrefum.
  • Ný gjaldtaka á ferðaþjónustu, t.a.m. brottfarargjald, tekin upp.
  • Frekari aðgerðir gegn skattsvikum.

 

Í hlekk hér að ofanverðu með fréttinni má nálgast umrædda fjármálaáætlun ríkisstjórnarinnar fyrir árin 2019-2023 í heild sinni af vef Stjórnarráðsins.